الأحد، 31 أكتوبر 2010

اخيرا اعترف

انا ما كنتش حاسة بمشكلة التخن ده قبل الجواز ربع ما انا حاسة بيها دلوقتى
كل ما جوزى يبصلى بصة من بتوعه ابقى نفسى اولع فى نفس وارتاح واريحه
وكنت بكدب احساسى واقول الراجل ما غلطش وما قالش حاجة
وانت عاملة زى الى على راسه بطحة وبيحسس عليها
مع ان حياتنا كلها مشاكل من غير سبب وزعل ونرفزة
لحد ما فى يوم سألته انت عاجبك حياتنا كده
قال لا
قلتله طيب ليه بتعاملنى كده
وكانت الصاعقة
والمستخبى بان
اتاريه معبى وساكت
قالها كده بكل صراحة
كل الى بيحصل ده بسبب انى ما بسمعش الكلام ومطنشة
ومش فى دماغى ومش عايزة اخس
مع انى والله ما فى شىء فى تفكيرى 24 ساعة كل يوم من كل اسبوع وكل شهر فى كل سنين عمرى
غير انى اخس بس مش عارفة ازاى
وما كنتش بقوله
عشان لو قلت عايزة اخس
وانا وزنى اصلا بيزيد
ده طبعا اكبر اعتراف بالفشل والدونية والضعف
مش الطناش احسن برده

هناك 3 تعليقات:

  1. اه الموضوع ده خلاني احس بالاحباط والزعل افتكرت ايامي كلها اللي فاتت
    انا لسه مااتجوزتش بس سمعت كلام كتير من ماما يحرق الدم هي خايفة عليا بس بردوا ولو........

    ردحذف
    الردود
    1. على فكرة عمر ما كان الانتقاد الحاد الا معول هدم دايما ااقول لوالدتي كده تقولي ده عشان بحبك :) بس انا شايفة انه العكس لما تديك اشارات ايجابية يكون احسن من الكلام اللي يحرق الدم بس كل واحد بيتصرف بالطريقة اللي هو عارفها معلش المهم انت تفكري ازاي تغيري من نفسك للأحسن على كل المستويات

      حذف
  2. انك تحطي ايدك على المشكلة وتواجهي نفسك بيها ده نص العلاج على فكرة وطول ما انتي بتحاولي مسيرك تنجحي اديسون ربنا يبارك في اختراعه عمل اللمبة بعد 1000 محاولة فاشلة يا صبره يعني :) اصبري وثابري وحياتك عندي حتنجحي
    تحياتي

    ردحذف

لا تنسى ابدا ذكر الله

sultan.org free islamic books

Copyright Text

Sponsor

اسهل و اوفر و اسرع طريقة لاشهار موقعك
Search Engine Submission - AddMe hitstatus