فيديو المشى فى المنزل 5 ميل بدون جهاز مشى الجزء الخامس
المشى من أسهل واهم الرياضات التى تساعد على نزول الوزن وشد الجسم فى نفس الوقت . الكثيرين منا لا يملكون الوقت للمشى خارج المنزل ولا المال اللازم لشراء جهاز المشى ، لذلك كانت تمارين المشى فى المنزل هى الوسيلة الوحيدة المتاحة لهم . تعتمد تمارين المشى فى المنزل على بعض الحركات البسيطة والتى تتفاوت قوتها حسب صعوبة او سهولة التمارين فمنها البسيط جدا الذى يمكننا ممارسته فى البداية حتى تتعود عضلاتنا على بذل المجهود ثم ننتقل الى التمرينات الأكثر صعوبة .
فى هذا الموضوع سوف اعرض لكم مجموعة من التمرينات مقسمة على 5 أجزاء والتى يمكننا ممارستها فى البيت وتعادل مشى 5 ميل اى اكثر من 7 كيلوا ونصف ، ويمكننا الاكتفاء بجزء أو اثنين منهم على حسب قدرتنا .
كنا قد نشرنا أربعة أجزاء فى تدوينات سابقة , وننشر لكم اليوم الجزء الخامس و الأخير
نفسى اخس انا 90ك وطولى 170 و20سنة ومتجوزة وعندى طفل
ردحذفانت عندك نقاط قوة كتيرة يا أم معاذ تساعدك انك تخسى ان شاء الله
ردحذفأولها سنك الصغيرة الى بتساعد على حرق الدهون بسرعة وكفاءة اكبر ، وثانيها وده اعتقاد شخصى منى مش عارفة ان كان صح او غلط فأنت برده لسنك الصغير ما عملتيش رجيم مرات كتيرة قبل كده يعنى وزنك مازادش ونزل اكتر من مرة وده برده يخلى جسمك يستجيب ونتائج رجيم مضبوط تبان بسرعة اكبر
الوزن الى عايزة تنزليه والى هو فى حدود من 15 الى 20 كيلوا وزن مش كتير وما تستغربيش اوى لما اقولك مش كبير لأن فى ناس وزنها ازيد من كده بكتير
لكن انت فى حاجة انك تبدأى بسرعة قبل ما تزيدى عن كده .
ونصيحة منى ما تستعجليش انك تنزلى بسرعة لأن ده هيخليك تصابى بالاحباط لو وزنك نزل ببطء وتزهقى وتاكلى وتزيدى
جوزى دايما بيقول لى كلمة لو كنت سمعتها كنت بقيت غصن البان , بيقولى انت لو كنت خسيت كيلوا واحد فى الشهر من يوم ما اتجوزنا كان زمانك خسيتى كل وزنك الزائد وفضلت رشيقة
ما تستكتريش انك تقعدى مثلا سنة ونص عشان تخسى كل الوزن الزائد لأنك ممكن تفضلى مستنية ومأجلة الرجيم الصعب الى يخسسك فى 3 او 4 شهور و فى لحظة تلاقى السنة خلصت وبدل ما تخسى زدتى وتقولى ياريتنى
ابدئى بخطوات بسيطة واعرفى انك قدامك كل الوقت طالما وزنك مش بيزيد
اما بالنسبة للنصائح او انظمة الرجيم الى تساعدك فالمدونة فعلا مليانة وصفات وريجيمات ونصائح كتيرة اكيد هتلاقى فيها الى يساعدك ان شاء الله
ويارب تخسى بكل صحة وسلامة وجمال