افطار مشبع بأقل سعرات حرارية
الأكل متعة كبيرة انعم بها الله علينا من ضمن نعمه التى لا تعد ولا تحصى
لكن فى حالتنا احنا التخان او اصحاب الوزن الزائد اصبح مشكلة كبيرة جدا بنقضى حياتنا كلها نحاول نجد لها حل وعادة بنفشل.
جربنا كل حاجة من الرجيمات القاسية الى الوصفات والأدوية والأعشاب الى تسد النفس او تمنع امتصاص الدهون او السكريات من الأكل الى بناكله,وكل املنا فى الدنيا ان يجى علينا يوم ناكل الى نحبه والى نفسنا فيه من غير ما نخاف او نحس بالذنب ونحمل هم الوزن الى هنزيده ونظرة اعز وأقرب الناس لينا, او يرحمنا ربنا ويسد نفسنا عن الأكل ونصحى بين يوم وليلة نلاقى الأكل بقى بالنسبة لنا شىء ثانوى غير مهم بالمرة يادوب ناكل حاجة خفيفة كده عشان نعيش ,
ياللا مافيش شىء بعيد على ربنا بس انتم ادعوا لنا.
ولحد ما تحصل معجزة من الاثنين هنضطر نحاسب على اكلنا ونحارب نفسنا
ونسيطر على وحش الجوع الرهيب الى مش وراه غيرنا يطلع فى عينه,
مرة نتبع رجيم ومرة نحاول نقلل الأضرار قدر الامكان بإننا ناكل حاجات ما تزودش الوزن قوى.
ولأن الطريقة الى انا متبعاها اليومين دول انى احاول آكل حاجات ماتزودش وزنى قوى هقولكم على طرق طبخ ووصفات صحية قليلة الدهون والسعرات الحرارية لكن طعمها جميل
يعنى ما تخافوش مش هقولكم فراخ مسلوقة بدون جلد ولا خضار مسلوق فى مية واوعى تحطى شوربة
هقولكم على حاجات جميلة ان شاء الله
وهبدء باللى انا جربته وبعمله فى بيتى على طول
1- فول بالطماطم والفلفل الخضر
كل يوم الصبح الواحد بيكون عايز ياكل حاجة مشبعة يقدر يفضل عليها وقت طويل نسبيا من غير ما يحس بالجوع وخصوصا لو قايم من النوم جعان
طبعا فى ناس مش بتفطر خالص وده غلط وناس بتاكل حاجة خفيفة كده يعنى بسكوتتين ولا قطعة كيكية بكوب شاى او نسكافيه وده كمان غلط
لأنك بتحرقى السكريات دى بسرعة جدا وتجوعى بسرعة جدا وتبدءى تلخبطى جدا جدا جدا
ولذلك عايزين نفطر فطار كويس ما نجوعش بعده على طول لكن ما نزودش وزننا بيه يبقى نعمل ايه؟
مافيش احسن من الفول بس بنزوده طماطم وفلفل اخضر وشوية مياه ونسيبه يستوى على النار لحد ما الطماطم والفلفل يستووا ,مش بياخد وقت طويل وطعمه جميل والسعرات الحرارية فيه قليلة بسبب الطماطم والفلفل ونحط عليه ملح وفلفل وكمون وكسبرة وليمون ومعلقة زيت زيتون أو زيت حار بيقولوا عليه كويس برده لحرق الدهون, وممكن ناخد معلقة الزيت ونحمر فيها فصين ثوم ونحطه على الفول على سبيل التغيير, وناكله بالمعلقة او بعيش سن أوحتى بعيش ابيض بس ما نكترش يعنى 3 أو 4 ملاعق مع رغيف سن صغير أو نصف رغيف عادى ويبقى فطار ولا أحلى
بس على فكرة ماحدش يقولى ده مش رجيم لأن ده مش رجيم ده مجرد طريقة نقلل بها ضرر الأكل.
2-البيض بالطماطم والفلفل والبصل
البيض سعراته الحرارية كتير بس فى ناس بتحبه وما تقدرش تلغيه من نظام اكلها
وطبعا حكاية بيضة مسلوقة دى ماتشبعش نملة .
احنا بقى نجيب معلقة زيت ونقطع عليها بصلة صغيرة ونشوحها فى الزيت وكل ما كانت البصلة متقطعة كبير مش بتاخد زيت وبعدين نحط الطماطم والفلفل ونشوحهم وبعدين نحط البيض ممكن بيض كامل وممكن بياض البيض بس وممكن تحطى مثلا بيضة كاملة وبياض بيضتين معاها زى ما انت عايزة .
3-الجبنة بالطماطم والفلفل والخيار وكمان البصل بس ده لو مش هتخرجى من البيت
فى كتير من انظمة الرجيم مسموح بملعقة او اتنين جبنة قريش او منزوعة الدسم مع ربع رغيف فى الفطار , ولأن ده ما يحوقش فى معدتنا فأنا بقطع على الجبنة طماطم وخيار وفلفل وساعات بصل واحط معلقة زيت زيتون وآكل بعيش سن من المقرمش ده
مممممممممممممممم ما اقدرش اقولك جميلة أد ايه
وبكده خلينا معلقة الجبنة وجبة مشبعة ومغذية ومن غير سعرات اضافية كتير
4-اللانشون
لو زيى بتحبى اللانشون وبتخافى تاكليه عشان الدهون الى بيبقى مليان بيها اعملى زيى برده واعمليه فى البيت هيكون نظيف وخفيف ومضمون ومعمول من اللحمة أكيد وكمان سعراته الحرارية قليلة.
انا جربت لانشون الفراخ ولسة ماجربتش لانشون اللحمة.
بتجيبى صدر فراخ مخلى وتفرميه وتحطى عليه بيضة وملح وفلفل والبهارات الى انت عايزاها ومعلقتين بقصماط ومعلقتين جبنة كوبايات او 2 -3 مثلث جبنة وممكن تزودى بصلة صغية وكام فص ثوم ومعلقتين كاتشب او مسطردة , يعنى انت اختارى الاضافات الى تحبيها وممكن كل مرة تحطى اضافة مختلفة لحد ما توصلى للطعم الى يعجبك , وتفرمى كله فى الخلاط لحد ما تتكون عندك عجينة لينة بتشيليها وتحطيها فى كوباية استانلس وتغطى وشها بورق فويل كويس وتحطيها واقفة بحيث ما يتسربش ليها مياة او تلفيه رول زى اللانشون فى بلاستيك من الى بنغطى بيه الأكل زى الى بيغطوا بيه الجبن واللانشون فى السوبر ماركت وبعدين فى ورق فويل كويس جدا , خلى بالك لو لفتيه فى الفويل على طول بيلزق فيه ,وتكونى غالية شوربة او مياه فيها كعب ماجى والبهارات الى انت عايزاها وتحطى فيها الرول لحد ما يستوى انا بسيبه تقريبا ساعة
وبعد ما تطلعيه سيبيه يبرد وبعدين دخليه التلاجة ولما يبرد خالص قطعيه شرايح وكلى براحتك بس مش براحتك قوى يعنى
حاجة نظيفة وخفيفة ومن غير دهون ولا سعرات حرارية كتيرة.
وبكده يكون عندنا فطار جميل ومشبع وبأقل الخساير الممكنة
قصدى بأقل السعرات الحرارية الممكنة.
وأشوفكم على الغدا
لكن فى حالتنا احنا التخان او اصحاب الوزن الزائد اصبح مشكلة كبيرة جدا بنقضى حياتنا كلها نحاول نجد لها حل وعادة بنفشل.
جربنا كل حاجة من الرجيمات القاسية الى الوصفات والأدوية والأعشاب الى تسد النفس او تمنع امتصاص الدهون او السكريات من الأكل الى بناكله,وكل املنا فى الدنيا ان يجى علينا يوم ناكل الى نحبه والى نفسنا فيه من غير ما نخاف او نحس بالذنب ونحمل هم الوزن الى هنزيده ونظرة اعز وأقرب الناس لينا, او يرحمنا ربنا ويسد نفسنا عن الأكل ونصحى بين يوم وليلة نلاقى الأكل بقى بالنسبة لنا شىء ثانوى غير مهم بالمرة يادوب ناكل حاجة خفيفة كده عشان نعيش ,
ياللا مافيش شىء بعيد على ربنا بس انتم ادعوا لنا.
ولحد ما تحصل معجزة من الاثنين هنضطر نحاسب على اكلنا ونحارب نفسنا
ونسيطر على وحش الجوع الرهيب الى مش وراه غيرنا يطلع فى عينه,
مرة نتبع رجيم ومرة نحاول نقلل الأضرار قدر الامكان بإننا ناكل حاجات ما تزودش الوزن قوى.
ولأن الطريقة الى انا متبعاها اليومين دول انى احاول آكل حاجات ماتزودش وزنى قوى هقولكم على طرق طبخ ووصفات صحية قليلة الدهون والسعرات الحرارية لكن طعمها جميل
يعنى ما تخافوش مش هقولكم فراخ مسلوقة بدون جلد ولا خضار مسلوق فى مية واوعى تحطى شوربة
هقولكم على حاجات جميلة ان شاء الله
وهبدء باللى انا جربته وبعمله فى بيتى على طول
1- فول بالطماطم والفلفل الخضر
كل يوم الصبح الواحد بيكون عايز ياكل حاجة مشبعة يقدر يفضل عليها وقت طويل نسبيا من غير ما يحس بالجوع وخصوصا لو قايم من النوم جعان
طبعا فى ناس مش بتفطر خالص وده غلط وناس بتاكل حاجة خفيفة كده يعنى بسكوتتين ولا قطعة كيكية بكوب شاى او نسكافيه وده كمان غلط
لأنك بتحرقى السكريات دى بسرعة جدا وتجوعى بسرعة جدا وتبدءى تلخبطى جدا جدا جدا
ولذلك عايزين نفطر فطار كويس ما نجوعش بعده على طول لكن ما نزودش وزننا بيه يبقى نعمل ايه؟
مافيش احسن من الفول بس بنزوده طماطم وفلفل اخضر وشوية مياه ونسيبه يستوى على النار لحد ما الطماطم والفلفل يستووا ,مش بياخد وقت طويل وطعمه جميل والسعرات الحرارية فيه قليلة بسبب الطماطم والفلفل ونحط عليه ملح وفلفل وكمون وكسبرة وليمون ومعلقة زيت زيتون أو زيت حار بيقولوا عليه كويس برده لحرق الدهون, وممكن ناخد معلقة الزيت ونحمر فيها فصين ثوم ونحطه على الفول على سبيل التغيير, وناكله بالمعلقة او بعيش سن أوحتى بعيش ابيض بس ما نكترش يعنى 3 أو 4 ملاعق مع رغيف سن صغير أو نصف رغيف عادى ويبقى فطار ولا أحلى
بس على فكرة ماحدش يقولى ده مش رجيم لأن ده مش رجيم ده مجرد طريقة نقلل بها ضرر الأكل.
2-البيض بالطماطم والفلفل والبصل
البيض سعراته الحرارية كتير بس فى ناس بتحبه وما تقدرش تلغيه من نظام اكلها
وطبعا حكاية بيضة مسلوقة دى ماتشبعش نملة .
احنا بقى نجيب معلقة زيت ونقطع عليها بصلة صغيرة ونشوحها فى الزيت وكل ما كانت البصلة متقطعة كبير مش بتاخد زيت وبعدين نحط الطماطم والفلفل ونشوحهم وبعدين نحط البيض ممكن بيض كامل وممكن بياض البيض بس وممكن تحطى مثلا بيضة كاملة وبياض بيضتين معاها زى ما انت عايزة .
3-الجبنة بالطماطم والفلفل والخيار وكمان البصل بس ده لو مش هتخرجى من البيت
فى كتير من انظمة الرجيم مسموح بملعقة او اتنين جبنة قريش او منزوعة الدسم مع ربع رغيف فى الفطار , ولأن ده ما يحوقش فى معدتنا فأنا بقطع على الجبنة طماطم وخيار وفلفل وساعات بصل واحط معلقة زيت زيتون وآكل بعيش سن من المقرمش ده
مممممممممممممممم ما اقدرش اقولك جميلة أد ايه
وبكده خلينا معلقة الجبنة وجبة مشبعة ومغذية ومن غير سعرات اضافية كتير
4-اللانشون
لو زيى بتحبى اللانشون وبتخافى تاكليه عشان الدهون الى بيبقى مليان بيها اعملى زيى برده واعمليه فى البيت هيكون نظيف وخفيف ومضمون ومعمول من اللحمة أكيد وكمان سعراته الحرارية قليلة.
انا جربت لانشون الفراخ ولسة ماجربتش لانشون اللحمة.
بتجيبى صدر فراخ مخلى وتفرميه وتحطى عليه بيضة وملح وفلفل والبهارات الى انت عايزاها ومعلقتين بقصماط ومعلقتين جبنة كوبايات او 2 -3 مثلث جبنة وممكن تزودى بصلة صغية وكام فص ثوم ومعلقتين كاتشب او مسطردة , يعنى انت اختارى الاضافات الى تحبيها وممكن كل مرة تحطى اضافة مختلفة لحد ما توصلى للطعم الى يعجبك , وتفرمى كله فى الخلاط لحد ما تتكون عندك عجينة لينة بتشيليها وتحطيها فى كوباية استانلس وتغطى وشها بورق فويل كويس وتحطيها واقفة بحيث ما يتسربش ليها مياة او تلفيه رول زى اللانشون فى بلاستيك من الى بنغطى بيه الأكل زى الى بيغطوا بيه الجبن واللانشون فى السوبر ماركت وبعدين فى ورق فويل كويس جدا , خلى بالك لو لفتيه فى الفويل على طول بيلزق فيه ,وتكونى غالية شوربة او مياه فيها كعب ماجى والبهارات الى انت عايزاها وتحطى فيها الرول لحد ما يستوى انا بسيبه تقريبا ساعة
وبعد ما تطلعيه سيبيه يبرد وبعدين دخليه التلاجة ولما يبرد خالص قطعيه شرايح وكلى براحتك بس مش براحتك قوى يعنى
حاجة نظيفة وخفيفة ومن غير دهون ولا سعرات حرارية كتيرة.
وبكده يكون عندنا فطار جميل ومشبع وبأقل الخساير الممكنة
قصدى بأقل السعرات الحرارية الممكنة.
وأشوفكم على الغدا
تعليقات
إرسال تعليق