المدربات

بواسطة لميس -
  فى النادى الى بروحه مدربتين
واحدة تقولى انت بتلعبى زيادة عن اللزوم
جسمك مش هيتحمل
وكل يوم تسألنى لعبتى اد ايه النهارده
وانا اتغاظ منها قوى
والتانية تقولى اسرع اقوى
اتحدى نفسك
شدى على نفسك شوية
كا ما تتعبى افتكرى هدفك
وبرده اتغاظ منها قوى
امبارح رجعت اكلم نفسى تانى
قعدت اقول
لا دى عجبانى
ولا دى عجبانى
امال انا عايزة ايه؟

اقولكم انا عايزة ايه


انا عايزة حد يقولى ممتاز
الى انت بتعمليه ده كويس قوى
لو تقدرى على اكتر يبقى احسن
بس كده كويس قوى بالنسبة للى فى وزنك
وان شاء الله لما تخسى شوية
هتقدرى تزودى عن كده

انا بعمل كل الى بقدر عليه
والله بجيب اخرى
ساعات بيبقى مش كفاية
انا عارفة
بس والله مش بقدر على اكتر

تعليقات

إرسال تعليق

المشاركات الشائعة من هذه المدونة

نصائح قبل البدء في الرجيم الكيميائى للدكتور أسامة حمدى

بواسطة لميس -
صورة
          يساعدك هذا الرجيم على خسارة 10 كيلوا فى الشهر على أقل تقدير وهناك من ساعدها الرجيم على خسارة أكثر من ذلك ولكن يجب عليك الالتزام بالرجيم  تماما مع ممارسة بعض الرياضة  قبل البدء فى الرجيم يجب علينا قراءة الملاحظات جيدا  1 - يجب الاكثار من شرب الماء 2 - يسلق الخضار في الماء بدون اضافة اي مكعبات من مرقة الدجاج ولكن  يمكن اضافة الملح او البصل او الثوم او البهارات (ماعدا الفلفل و الشطه)  كذلك يمكن اضافة الليمون و الخل و البقدونس . 3 - يجب عدم اضافة اي زيت او سمن او اي دهون او شحوم كذلك ينزع  جلد الدجاج او اي دهن باللحم الذي تتناوله 4 - مسموح بشرب الشاي او القهوه في اي وقت (ولكن بدون اضافة السكر  أو اضافة الحليب او مبيض القهوه) ولكن يمكن التحليه بحبوب كاندريل او  أي بديل السكر ما عدا سكر الفواكه . 5 - مسموح بشرب كوب من الصودا في اي وقت و كذلك بعلبه او اثنتين  من المياه الغازيه ( دايت فقط ) 6 - عند الشعور بالجوع يمكن تناول اي كميه من الخيار او الجزر او الخس  مع  مراعاة الآتي : أ - ان تاكله بعد مرور ساعتين من الوجبة الاساسيه . ب - تناول صنف واحد فقط مما سبق بين كل
قراءة المزيد

خلاصة كتاب حمية الثلاث ساعات لجورج كروز

بواسطة لميس -
صورة
من الكتب التى لاقت نجاحا كبيرا كتاب جورج كروز حمية الثلاث ساعات. وقد حقق نظام الثلاث ساعات انتشارا واسعا ليس على مستوى الولايات المتحدة وحدها ولكن على مستوى العالم , وتزايد عدد الذين يتبعون هذا النظام بشكل كبير لما يتميز به من سهولة فى التنفيذ وامكانية الاستمرار عليه مدى الحياة , حيث انه نظام حياة اكثر منه حمية لفترة معينة, ولاحتوائه على جميع العناصر الغذائية اللازمة لجسم الانسان, وعلى كميات كافية من الطعام لا تشعرك بالجوع او الحرمان. قبل البدء فى اتباع حمية الثلاث ساعات هناك بعض الخطوات التى يجب عليك اتباعها: 1-إحضر ثلاث ورقات و أكتب فيها الآتي و علقها بجوار التسريحة، و عند مرآة الحمام ، و على القنبلة الموقوتة ...الثلاجة  : *** عهد القوة *** >>>>سأتعامل مع جسدي بإعتباره أولوية قصوى >>>>سأحرص على تدريب جسدي بشكل منتظم >>>> سأغذي جسدي بطريقة صحية و مناسبة >>>> سأفقد الوزن الزائد في نهاية الأمر >>> أريد أن يكون وزني ...... كيلو جرام ( أكتب الوزن الذي تريده ، يمكن أن تجعلها على مراحل بمعنى وزنك ناقص 10 كيلو ثم تغير هدفك بعد ا
قراءة المزيد

البحث عن حاجة تسد النفس

بواسطة لميس -
بما ان البحث عن المتعة هو السبب الأساسى لمشكلة المشاكل الى بعانى منها وهى الوزن الزايد, فالبحث عن حاجة تسد النفس والعثور عليها هو الحل الوحيد للمشكلة. حاولت كتير ادور على حاجة تسد نفسى واتبعت كل الوصفات الى سمعتها. بدءت بخل التفاح طبعا كل التخان عارفين ريحته وطعمه وعارفين المعاناة الفظيعة فى شرب معلقة خل تفاح على نص كوب ماء على الريق وقبل الأكل لكن مافيش فايدة لا نفسى انسدت ولا خسيت,بالرغم من ان ناس كتيييييييييير بتشكر فيه وبتحكى على نتايجه الجميلة فى التخسيس. وانا فى تالتة ثانوى تابعت مع دكتورة رجيم وكتبت لى فى الرجيم واحدة جريب فروت على الريق كل يوم ,بس المشكلة ان كل حاجة بتسد النفس فعلا طعمها يسد النفس فما كنتش بقدر اكلها, ولو جيت على نفسى واكلتها بكون عايزة اكل اى حاجة بعدها عشان اتخلص من طعمها,فبدل ما تسد نفسى كانت بتفتحها فقلت الطيب احسن وبطلت اكل الجريب فروت. وفى مشوار البحث عن حاجة تسد النفس جربت الإبر الصينية بس اعتقد ان حكاية انها بتسد النفس ده مالوش اى اساس من الصحة ,لأننى خسيت آه بس لأنى ماكنتش باكل, وما كنتش باكل آه لكن كنت جعانة ومش باكل غصب عنى. وفى فترة من فترات
قراءة المزيد