google-site-verification: google4f8d6460c00571a8.html مدونة عايزة اخس: رجيم للمرضعات طازة من دكتورة التغذية

الأربعاء، 3 نوفمبر 2010

رجيم للمرضعات طازة من دكتورة التغذية

انا ولدت من 4 شهور وطبعا زدت فى الحمل
ده غير انى كمان كنت تخييييييييييييينة قبل الحمل
وكنت خايفة جدا اعمل رجيم عشان مايأثرش على كمية اللبن
بس توكلت على الله ورحت لدكتورة التغذية وكتبت لى الرجيم ده
وقلت اكتبه لكم نجربه مع بعض
هو المفروض ماينزلكيش كتير عشان مايقللش اللبن
يعنى من 4 الى 6 كيلوا فى الشهر لو التزمتى
ولو عملتى رياضة اكيد هتخسى اكتر
والدكتورة قالت لى امشى نص ساعة يوميا ست مرات فى الاسبوع
ندخل فى المهم
الفطور:
*2 شريحة توست اسمر او نصف خبزة اسمر خفيف او 1صمون صغير او 2 شابورة
*ملعقة طعام جبنة او لبنة منزوعة الدسم او 3 ملاعق فول او حمص او بيضة مسلوقة مسموح ب2 بيضة فى الاسبوع
*1 كوب لبن او حليب خالى الدسم
*شاى او قهوة حسب الرغبة بدون سكر



الضحى :
حبة فاكهة يفضل كيوى او برتقال او 3 شرائح اناناس


الغداء :

* كوب ارز مسلوق او نصف خبزة او كوب مكرونة مسلوقة او 1 صمون صغير

*قطعة صدردجاج او لحم بحجم كف اليد فوق الاصبع السبابة مسلوق او مشوى او على البخار او سمك مشوى او تونة علبة صغيرة محفوظة بالماء
او كوب عدس او لوبيا

*سلطة كمية وافرة
*كوب لبن او حليب خالى الدسم



العصر:
حبة فاكهة او 3 تمرات او 3 حبات بسكوت شاى او نصف كوب عصير او نصف كوب لبن او حليب خالى الدسم


العشاء :

*كوب شوربة خضار او دجاج او عدس او قطعة دجاج +نصف كوب خضار سوتيه او زبادى خالى الدسم +2خيار+ فاكهة
*كوب لبن او حليب منزوع الدسم



الفواكه الممنوعة : الموز والمانجو والتين
3 حبات تمر =حبة فاكهة
يمكنك اكل الموز ولكن نصف موزة فقط =حبة فاكهة
الحليب ومشتقاته يجب ان تكون خالية الدسم
الصمون يعنى العيش الفينو
الحليب هو اللبن المعروف عندنا فى مصر اما اللبن فيطلقونه فى الخليج على اللبن الرائب
الشابورة لا اعرف لها اسم ثانى ولكنها تشبه التوست المحمص وتباع فى قسم المخبوزات فى السوبر ماركت فى علب ورقية او اكياس
اذا شعرت ان لبنك قل اشربى حلبة كتير بس بدون سكر اكيد
انا سألت الدكتورة وقالت الحلبة مش بتتخن
اللبن ضرورى فى النظام عشان لبنك انت ما يقلش وممكن تزوديه كمان بس زى ما قلنا منزوع الدسم
واهم شىء تشربى مية كتييييييييييييييير على اد ما تقدرى
واى استفسار تانى انا حاضرة
بس ادعولى من قلبكم التزم بالرجيم ويجيب معايا نتيجة

ليست هناك تعليقات:

إرسال تعليق